* Nazar aýdaryńyz: konkýrs!
«Egemen Qazaqstan» gazeti elimizdiń táýelsizdik kúnine arnalǵan «Úlken el – úlken otbasy» fotokonkýrsyn jarııalaıdy
- Jalpy erejeler
- 1. Respýblıkalyq fotokonkýrs Qazaqstan halqy Assambleıasynyń «ÚLKEN EL – ÚLKEN OTBASY» keń aýqymdy jobasy sheńberinde ótkiziledi.
1.2. Konkýrsty uıymdastyrýshy «Egemen Qazaqstan» respýblıkalyq gazeti» AQ (odan ári – Uıymdastyrýshy). Meken-jaıy: 010008, Astana q., Egemen Qazaqstan gazeti k., 5/13.
1.3. Fotokonkýrsqa kásipqoı fotograftar, áýesqoı fotograftar, sondaı-aq, jasyna, aınalysatyn isine jáne qyzyǵýshylyǵyna qaramastan Qazaqstan Respýblıkasynyń barlyq azamattary qatysa alady.
1.4. Ár qatysýshy bes fotosýretten artyq usyna almaıdy.
Fotosýretter qazaqstandyq patrıotızm, Qazaqstan halqynyń mádenı kóptúrliligi, qoǵamdyq kelisim men ulttyq birlikti nyǵaıtý, Jalpyǵa ortaq eńbek qoǵamy ıdeıasy taqyrybyn beıneleýi tıis.
1.5. Fotokonkýrsty ótkizý merzimi: 2015 jyldyń 25 tamyzynan 10 jeltoqsanyna deıin.
1.6. Qorytyndysyn shyǵarý – 2015 jyldyń 15 jeltoqsany.
1.7. Konkýrsqa qatysý úshin kólemi uzyn jaǵynan 3 000 pıkselden kem emes fotosýretter qabyldanady.
– ár fotosýrettiń eń úlken kólemi 5 Mb-dan astam;
– fotosýret formaty qatań JPG.
1.8. Fotosýretterdi «Fotokonkýrs» taqyrybyn, tele hatqa atyn, ákesiniń atyn, tegin, týǵan jylyn, fotonyń atyn, túsirilgen kúni men ornyn kórsete otyryp, egemenkz@mail.online.kz, egemenkz@mail.ru elektrondy meken-jaıǵa jiberý qajet.
- Qatysýshynyń quqyqtary men jaýapkershiligi
2.1. Fotosýretti fotokonkýrsqa usyna otyryp, qatysýshy ol fotosýretterdiń avtory ekendigine jáne áldekimderdiń avtorlyq quqyn burmalamaǵanyna kepildik beredi, sondaı-aq, fotosýretterdiń buryn fotokonkýrstarǵa qatyspaǵanyna da kepildik beredi.
2.2. Fotokonkýrsqa qatysýshylar ózderine avtorlyq jáne aralas quqyqtardy saqtaý jaýapkershiligin alady. Fotosýretterge qatysty úshinshi jaqtyń qandaı da bir talaptary týyndaı qalǵan jaǵdaıda sońǵy daýdy óz kúshimen jáne óz esebinen retteýge mindetteme alady.
2.3. Fotosýretterdi usyna otyryp, qatysýshy fotokonkýrsqa qatysýǵa óziniń kelisimin bildiredi jáne osy Erejede kórsetilgen fotokonkýrsty ótkizý sharttarymen kelisedi.
2.4. Fotosýretterdi usyna otyryp, qatysýshy (avtor) onyń jumystaryn Uıymdastyrýshynyń «Egemen Qazaqstan» gazetinde, sondaı-aq, uıymdastyrýshynyń www.egemen.kz saıtynda sheksiz kólemde jáne óz qalaýy boıynsha, kommersııalyq emes negizde, avtorlyq syıaqy tólemesten paıdalanýǵa óz kelisimin beredi. Bul rette Uıymdastyrýshy kez kelgen kópshilik negizde paıdalanýda onyń fotosýretteriniń danalarynda tıesili túrde qatysýshynyń (avtordyń) atyn kórsetedi.
2.5. Fotokonkýrsqa jiberilgen fotosýretterdiń mynadaı jaǵdaılarda fotokonkýrsqa qatystyrylmaýy múmkin:
– konkýrs taqyrybyna sáıkes kelmeıtin fotosýretter;
– fotosýretterdiń tómen kórkemdigi nemese tehnıkalyq sapasy;
– zorlyq-zombylyq, násildik, etnostyq jáne dinı tózbestik elementteri bar fotosýretter;
– anonımdi fotosýretter.
2.6. Fotokonkýrsty uıymdastyrýshy sebebin túsindirmesten-aq, belgilengen sapaǵa jáne tehnıkalyq deńgeıge sáıkespeıtin jumystardy qatysýǵa jibermeý quqyn ózinde qaldyrady.
2.7. Uıymdastyrýshy fotokonkýrs jeńimpazdarynyń fotosýretterin «Egemen Qazaqstan» gazetiniń betterinde jáne Uıymdastyrýshynyń saıtynda jarııalaýǵa quqyly.
- Fotokonkýrs qorytyndylaryn shyǵarý
3.1. Fotokonkýrs jeńimpazdaryn «Egemen Qazaqstan» respýblıkalyq gazeti» AQ múshelerinen turatyn qazylar alqasy anyqtaıdy.
Konkýrs júldeleri:
1-shi oryn – noýtbýk
2-shi oryn – teledıdar
3-shi oryn – fotoapparat
3.2. Jeńimpazdar anyqtalǵannan keıin Uıymdastyrýshy elektrondy poshta arqyly konkýrs jeńimpazdaryn qulaqtandyrady.
3.3. Fotokonkýrs jeńimpazdary konkýrsta jeńgeni týraly qulaqtandyrý alǵan sátten bastap, 30 kúntizbelik kún ishinde tikeleı ózi jeke basyn kýálandyratyn qujatyn kórsete otyryp nemese senimhat negizinde óz ókili arqyly júldeni ala alady, bolmasa Uıymdastyrýshynyń elektrondy meken-jaıyna júldeni aýdarý, jiberý úshin jeke basyn kýálandyratyn qujattyń kóshirmesin, banktik tólem kártishkesiniń kártishkelik shot nómirin jáne naqty poshta meken-jaıyn jibere alady.
3.4. Fotokonkýrs jeńimpazdary osy Erejeniń 3.3 tarmaǵyn oryndamaǵan jaǵdaıda jeńimpazdar júldelerdi alý quqyn joǵaltady.
3.5. Eger jeńimpaz Uıymdastyrýshyǵa banktik tólem kártishkesiniń kártishkelik shotynyń durys emes málimetterin, qate poshta meken-jaıyn jiberip, sonyń saldarynan júldeni aýdarý, jiberý múmkin bolmasa, Uıymdastyrýshynyń jeńimpazǵa júldeni berý jónindegi óz mindettemeleri oryndalǵan bolyp sanalady
